Sinfóníuhljómsveit ÍslandsMyrkir músíkdagarNýtt, ferskt og spennandi
Giacinto Scelsi: HymnosAtli Ingólfsson: ManiHugi Guðmundsson: Orkestur (frumflutningur)Iannis Xenakis: MetastasisHans Abrahamsen: 10 sinfóníurIlan Volkov: hljómsveitarstjóri
Á Myrkum músíkdögum leikur Sinfóníuhljómsveitin íslensk verk í bland við erlenda samtímatónlist eftir nokkur af athyglisverðustu tónskáldum samtímans. Metastatis eftir Iannis Xenakis samanstendur af 61 hljóðfæri sem hvert leikur sína sjálfstæðu rödd, svo rennur allt saman í mikilfenglegan hljóðmassa. Hymnos ítalska meistarans Giacinto Scelsi skiptir hljómsveitinni í tvo hópa sem leika hvor á móti öðrum. Hans Abrahamsen er sérstakur gestur á þessum tónleikum og nýtt verk hans, 10 sinfóníur, er samið að hluta fyrir Sinfóníuhljómsveit Íslands. Meðal fyrrum nemenda Abrahamsen er Hugi Guðmundsson sem hlaut Íslensku tónlistarverðlaunin 2008 fyrir verk sitt Apocrypha.
↧
Myrkir músíkdagar
↧
Axlar Björn
"Nú eru sólarlitlir dagar, bræður!"
Í Axlar-Birni er sögð saga eins kaldrifjaðasta morðingja Íslandssögunnar. Móðir hans var sólgin í mannablóð þegar hún gekk með hann og faðir hans blóðgaði sig reglulega til að svala þorsta eiginkonu sinnar. Því má segja að óhugnaðurinn í eðli Axlar-Björns hafi hafist þegar í móðurkviði.
Axlar-Björn myrti átján manns áður en upp um hann komst. Fyrsta fórnarlambið dysjaði hann í flórnum á Knerri en hinum sökkti hann í Ígultjörn. Axlar-Björn var á endanum tekinn höndum og þau Steinunn, kona hans, dæmd til dauða á Laugarbrekkuþingi árið 1596. Brotið skyldi í Birni hvert bein og þau Steinunn síðan bæði hálshöggvin.
Axlar-Björn rekur öðrum þræði sögu þessa ógnvekjandi morðingja en veltir einnig upp sígildum spurningum um þá brenglun sem leiðir til óhæfuverka.
Björn Hlynur Haraldsson (1974) hefur getið sér gott orð bæði sem höfundur og leikstjóri, hann skrifaði t.a.m. leikritið Dubbeldusch auk þess að skrifa leikgerð Faust og Húsmóðurina ásamt félögum sínum í Vesturporti. Kjartan Sveinsson (1978) úr Sigurrós undirstrikar óhugnaðinn með tónlist og hljóðmynd.
↧
↧
MS Baulan 2012
MS Baulan 2012
Silfurberg 26.janúar
Baulan er undankeppni SMS (Menntaskólinn við Sund) fyrir hina einu sönnu söngkeppni framhaldskólana.
↧
Fanný og Alexander
Jólasýningin 2011Árið er 1907 og jólunum er fagnað hjá Ekdahl-stórfjölskyldunni. Þar er dansað, leikið og sungið. Fjölskyldan er langt frá því að vera fullkomin en hún er lifandi, ástríðufull og litrík sérstaklega í augum barnanna Fannýjar og Alexanders. Þau alast upp í hlýjum faðmi ástríkra foreldra, Emilíu og Óskars, þar sem gleði, frelsi og umburðarlyndi ráða ríkjum.Dag einn umturnast veröld barnanna þegar faðirinn fellur óvænt frá. Í sorg sinni leitar Emilía stuðnings Edvards biskups sem áður en langt um líður ber upp bón- orð við ekkjuna. Fljótlega vaknar hún upp við þann vonda draum að heimili biskups reynist ekki það skjól sem hún þráði.
Einn fremsti kvikmyndaleikstjóri heims, Ingmar Bergman (19182007) vann upphaflega að þessari ógleymanlegu fjölskyldusögu í framhaldsþáttum fyrir sjónvarp en stytti síðan í kvikmynd árið 1982. Myndin var kveðjumynd hans og þakklæti til leikhússins þar sem andi Hamlets svífur yfir vötnum með afturgöngum og týndri föðurímynd. Myndin hlaut fern Óskarsverðlaun sem er fáheyrt fyrir mynd sem ekki er á ensku.Heimsfrumsýning leikritsins var í Þjóðleikhúsi Norðmanna í Ósló í desember 2009 og er uppfærslan þegar orðin sú vinsælasta í sögu leikhússins. Verkið hefur einnig notið ómældra vinsælda í Finnlandi og Danmörku og er væntanleg á fjalir virtra leikhúsa víða um heim.
↧
Uppistand - Mið-Ísland
Mið-Ísland snýr aftur í Þjóðleikhúskjallarann í janúar til að bjarga ykkur frá kuldanum, myrkrinu og slyddunni. Í boði verður rúmlega tveggja klukkustunda skotheld hláturtaugadagskrá með meðlimum hópsins þeim Ara Eldjárn, Bergi Ebba, Jóhanni Alfreð og Dóra DNA ásamt Birni Braga og góðum gestum. Tryggið ykkur miða tímanlega því uppselt hefur verið á hverja einustu Mið-Ísland sýningu sem haldin hefur verið í Þjóðleikhúskjallaranum frá upphafi. Sýningarnar verða aðeins tvær, 25. og 26. janúar.
Meðal fyrri gesta á uppistandskvöldum Mið-Íslands eru Anna Svava Knútsdóttir, Pétur Jóhann Sigfússon, Margrét Björnsdóttir, Erna Dís Eiríksdóttir, Þorsteinn Guðmundsson, Þórhallur Þórhallsson, Saga Garðarsdóttir, Hugleikur Dagsson, Sólmundur Hólm, norski uppistandarinn Dag Sørås og sá finnski André Wickström sem gerði allt vitlaust á síðustu sýningu hópsins í desember.
Athugið að sýningar hefjast á slaginu 20:00 og fara fram miðvikudagskvöldið 25. janúar og fimmtudagskvöldið 26. janúar.
Ef hláturinn lengir lífið stefnir Mið-Ísland á ódauðleika!
↧
↧
Raftónleikar
↧
Gulleyjan
Lífið á sveitakránni tekur heldur betur stakkaskiptum þegar gamall sjóræningi gefur þar upp öndina og skilur eftir sig fjársjóðskort. Jim, sonur kráareigans, veit ekki fyrr til en hann er kominn langt suður í höf með skuggalegri áhöfn á seglskipinu Hispanjólu. Skipskokkurinn Langi-Jón Silvur er ekki allur þar sem hann er séður og leitin að fjársjóðnum verður fjörugri og hættulegri en nokkurn gat grunað. Þetta er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist eftir Þorvald Bjarna Þorvaldsson. Sýningin er sett upp af Leikfélagi Akureyrar í samstarfi við Borgarleikhúsið. Gulleyjan eftir Robert Louis Stevenson er fyrsta sjóræningjasagan og sú frægasta og sagan sem öll sjóræningjaævintýri á bókum, í leikritum og kvikmyndum byggja á. Sigurður Sigurjónsson snýr nú aftur til Akureyrar en síðasta sýningin sem hann vann hjá LA var ÓVITAR sem sló rækilega í gegn og kætti leikhúsgesti á öllum aldri. Glæsilegur hópur listrænna stjórnenda vinnur að sýningunni: Leikstjórinn Sigurður Sigurjónsson, Snorri Freyr Hilmarsson sem hannar leikmynd, Agnieszka Baranowska og Júlíanna Lára Steingrímsdóttir hanna búningana, Björn Bergsteinn Guðmundsson hannar lýsingu og Þorvaldur Bjarni Þorvaldsson hefur hér enn sannað snilld sína með frábærri tónlist.
↧
Gulleyjan
Lífið á sveitakránni tekur heldur betur stakkaskiptum þegar gamall sjóræningi gefur þar upp öndina og skilur eftir sig fjársjóðskort. Jim, sonur kráareigans, veit ekki fyrr til en hann er kominn langt suður í höf með skuggalegri áhöfn á seglskipinu Hispanjólu. Skipskokkurinn Langi-Jón Silvur er ekki allur þar sem hann er séður og leitin að fjársjóðnum verður fjörugri og hættulegri en nokkurn gat grunað. Þetta er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist eftir Þorvald Bjarna Þorvaldsson. Sýningin er sett upp af Leikfélagi Akureyrar í samstarfi við Borgarleikhúsið. Gulleyjan eftir Robert Louis Stevenson er fyrsta sjóræningjasagan og sú frægasta og sagan sem öll sjóræningjaævintýri á bókum, í leikritum og kvikmyndum byggja á. Sigurður Sigurjónsson snýr nú aftur til Akureyrar en síðasta sýningin sem hann vann hjá LA var ÓVITAR sem sló rækilega í gegn og kætti leikhúsgesti á öllum aldri. Glæsilegur hópur listrænna stjórnenda vinnur að sýningunni: Leikstjórinn Sigurður Sigurjónsson, Snorri Freyr Hilmarsson sem hannar leikmynd, Agnieszka Baranowska og Júlíanna Lára Steingrímsdóttir hanna búningana, Björn Bergsteinn Guðmundsson hannar lýsingu og Þorvaldur Bjarni Þorvaldsson hefur hér enn sannað snilld sína með frábærri tónlist.
↧
Nordic Affect
↧
↧
Saga þjóðar
↧
Mezzosópran og gítar
↧
Póker
Leikhópurinn Fullt Hús kynnir Póker eftir Patrick Marber Leikverkið er svört kómedía sem kafar í heim karlmennsku, valdatafls, pókerspilamennsku, keppnisanda, fíknar og kennir öllum að þú skalt ávallt spila með andstæðinginn en ekki spilin sjálf sama hvað er í hvað er í húfi. Þetta er bráðskemmtilegt verk sem samsvarar mjög vel því sem er að gerast í samfélaginu í dag. Leikritið hefur farið sigurförum um allt Bretland og Bandaríkin og unnið til margra verðlauna. T.d. Besta West End leikritið valið af samtökum leikskálda árið 1995 og var einnig valinn besti gamanleikurinn sama ár af Evening Standard. Leikstjóri: Valdimar Örn Flygenring Leikarar: Jón Stefán Sigurðsson , Ellert A. Ingimundarson, Þorsteinn Gunnar Bjarnason, Magnús Guðmundsson, Finnbogi Þorkell Jónsson, Ingi Hrafn Hilmarsson. Framleiðandi: Vala ÓmarsdóttirLjósahönnun: Björn Elvar SigmarssonHljóðmynd: Ásta Kristín Guðrúnardóttir Leikmynd: Svanur Þór BjarnasonTæknistjórn: Hinrik Þór SvavarssonSýningarstjóri: Ólöf Hugrún ValdimarsdóttirLagaval: Arnar Snær Davíðsson Höfundur verks: Patrick MarberÞýðandi: Jón Stefán Sigurðsson
↧
Hjónabandssæla
Undir styrkri stjórn Þórhildar Þorleifsdóttur leika þau Edda Björgvins og Laddi nú saman á ný en þau gerðu garðinn frægan í metsölumyndinni Stella í orlofi. Nú stíga saman þau á svið í fyrsta leikverkinu sem sett er upp í Gamla bíói eftir að það er nú opnað að nýju.
Hinrik og Lísa eru miðaldra hjón sem hafa verið gift í tuttugu og fimm ár. Ástareldurinn hefur kulnað, aukakílóin virðast komin til að vera á meðan hárin hverfa eða birtast á nýjum og óspennandi stöðum. Kynlífið er komið á endastöð en til að fá hjólin til að snúast aftur sannfærir Lísa Hinrik um að eyða með sér helgi á hóteli til að blása nýjum glæðum í hjónabandið. En þegar Lísa fer að draga Hinrik á tálar er eitt og annað sem dregst fram í dagsljósið og um leið og fötunum fækkar hverfa hömlurnar og átökin magnast.
Leikhúsmógullinn kynnir sprenghlægilegt og kraftmikið verk um hjón sem fara í galið ferðalag um myrkustu kima hjónabandsins til að freysta þess að finna ástina á ný.
↧
↧
Blótgoðar
Bráðskemmtilegur einleikur Þórs Tulinius á Sögulofti Landnámasseturs. Þór bregður upp skemmtilegum myndum af því sem hefði getað farið fram á Alþingi dagana fyrir og eftir að ákveðið var að taka upp kristni á Íslandi. Ástandið var vægast sagt magnað þar sem fylkingar stóðu gráar fyrir járnum hverjar gegn annari tilbúnar að berjast. Þór tekur á sig hlutverk manna í báðum fylkingum og leikur léttilega fjölda þekktra persóna úr sögunni. Þarna stíga á stokk Þorgeir ljósvetningagoði, Síðu Hallur og Snorri goðið en einnig kynnumst við litríkum karakterum sem ekki þótti ástæða að nefna í hinum knappa texta sögunnar en voru án efa staddir á Þingvöllum þessa örlagaríku daga.
Sýningin hefur hlotið frábæra dóma gagnrýnenda Víðsjár, Skessuhornsins og Fréttablaðsins: Elísabet Brekkan gaf henni 4 stjörnur í Fréttablaðinu og segir ma. Hvort sem það er trúverðugt eður ei þá var útfærslan skemmtileg og áhorfendur dilluðu sér af hlátri. Niðurstaða: Þór nýtur sín í þessu hlutverki og er alveg óhætt að mæla með enn einu fræðandi og skemmtilegu stefnumóti við forna kappa uppi í Borgarnesi.
↧
Svartur hundur prestsins
Margverðlaunaður skáldsagnahöfundur skrifar sitt fyrsta leikrit.
Svartur hundur prestsins er fyrsta leikrit Auðar Övu Ólafsdóttur sem hefur undanfarið skapað sér nafn sem einn athyglisverðasti skáldsagnahöfundur okkar.
Í leikritinu kynnumst við ættmóður sem býður syni sínum, tveimur dætrum og tengdasyni í vöffluboð til að greina frá ákvörðun sem kemur öllum í opna skjöldu. En þetta vöffluboð er ekkert venjulegt kaffisamsæti. Dæturnar þurfa að takast á við gerbreyttar aðstæður í samskiptum við móður sína en lenda auk þess í átökum við bróður sinn sem kominn er langt að og hefur ákveðið að gerast boðberi sannleika sem allir vilja forðast. Hér er svo sannarlega boðið upp í óvenjulegan dans!
Leikritið Svartur hundur prestsins er fyrsta höfundarverk leikskálds sem sett er á svið af þeim verkum sem hlutu styrk frá Leikritunarsjóði Þjóðleikhússins Prologos. Áður hafa verið á fjölum leikhússins leiksmiðjuverkefni leikhópa sem styrkt voru af sjóðnum.
Leikstjórn:
Kristín Jóhannesdóttir
Leikarar:
Kristbjörg Kjeld, Margrét Vilhjálmsdóttir, Nanna Kristín Magnúsdóttir, Atli Rafn Sigurðarson, Baldur Trausti Hreinsson
Frumsýning í Kassanum í september.
↧
Kirsuberjagarðurinn
Sannkölluð leikhúsperla um ástir, drauma og vonirÞað eru breyttir tímar. Ný kynslóð er tekin við og sú eldri þráast við að opna augun fyrir þeim breytingum sem eru yfirvofandi. Eftir fimm ára fjarveru snýr Ljúbov Ranévskaja heim á ný. Býli hennar ásamt víðfrægum kirsuberjagarði rambar á barmi gjaldþrots vegna mikilla skulda og yfirvofandi er uppboð á eigninni.Fjölskyldan hefur eytt um efni fram án þess að leiða hugann að morgundeginum enda lömuð af minningunni um fegurð og gleði æskuáranna. Lopakhín reynir að opna augu fólksins sem honum þykir svo vænt um fyrir breyttum tímum og vandanum sem steðjar að. Er hægt að höggva niður kirsuberjatrén?Á meðan fjölskyldan forðast að taka á vandamálunum, kynnast áhorfendur öllu þessu grátbroslega fólki, dætrunum Vörju og Önju, þjónustufólkinu, starfsfólki og vinum fjölskyldunnar. Öll eiga þau drauma og þrár, sumir þrá fortíðina á meðan aðrir eiga sér von um nýtt og betra líf. En öll dreymir þau um ástina meira að segja Lopakhín.
Kirsuberjagarðurinn er síðasta og mest leikna leikrit Antons Tsjekhovs (1860 1904). Verkið er af mörgum talið eitt besta leikverk allra tíma, angurvært stórvirki þar sem gaman og alvara vegast listilega á. Leikstjórinn Hilmir Snær hlaut Grímuverðlaun fyrir síðustu uppsetningu sína, Fjölskylduna, sem gekk tvo vetur fyrir fullu húsi í Borgarleikhúsinu.
Námskeið Endurmenntunar HÍ og Borgarleikhússins um Tsjekhov og Kirsuberjagarðinn
↧
Hreinsun
Því að sá sem semur sig að þeim sem hafa völdin mun búa við öryggi
Áleitið og óvægið skáldverk sem vakið hefur mikið umtal. Í senn saga um baráttu kúgaðra og niðurlægðra einstaklinga og reynslu heillar þjóðar af harðstjórn og ófrelsi.
Hreinsun er meðal umtöluðustu skáldverka undanfarinna ára. Leikritið var frumflutt í finnska Þjóðleikhúsinu árið 2007 og í kjölfarið skrifaði höfundurinn skáldsögu upp úr efni þess sem farið hefur líkt og eldur í sinu um Evrópu, víða orðið metsölubók og sankað að sér verðlaunum. Oksanen hlaut Bókmenntaverðlaun Norðurlandaráðs fyrir Hreinsun á liðnu ári. Skáldsagan kom út hjá Máli og menningu í fyrra og hefur notið mikillar hylli íslenskra lesenda.
Leikritið hefst stuttu eftir að Eistland öðlast sjálfstæði á tíunda áratug liðinnar aldar. Á litlum eistneskum sveitabæ býr gömul kona, Aliide, safnar jurtum og sultar ber, líkt og gert hefur verið kynslóð fram af kynslóð í þessari sveit. Einn morguninn finnur hún unga ókunna stúlku, Zöru, í garðinum hjá sér illa til reika og á flótta. Þessar tvær konur, sem virðast ekki þekkjast, búa báðar yfir leyndarmálum sem þær vilja ekki ljóstra upp um en smám saman kemur í ljós að leyndir þræðir tengja örlög þeirra saman. Þessi óvænta heimsókn neyðir eldri konuna, Aliide, til að takast á við sársaukafulla hluti úr fortíð sinni og fortíð þjóðar sinnar og hverfa aftur til þess tíma þegar hún var ung og ástfangin, og kommúnistar hertóku landið. En um leið og fortíðin herjar á Aliide eru miskunnarlausir kúgarar Zöru á hælum hennar.
Hreinsun er einstaklega áhrifamikið verk um ást, grimmd og svik, og örvæntingarfulla baráttu manneskjunnar fyrir því að lifa af ofbeldi og niðurlægingu og verða heil að nýju.
Þjóðleikhúsið býður Margréti Helgu Jóhannsdóttur velkomna á svið eftir áratuga farsælan feril hennar hjá Leikfélagi Reykjavíkur.
Leikstjórn: Stefán JónssonLeikarar: Margrét Helga Jóhannsdóttir, Arnbjörg Hlíf Valsdóttir, Vigdís Hrefna Pálsdóttir, Stefán Hallur Stefánsson, Þorsteinn Bachmann, Pálmi Gestsson, Ólafur Egill Egilsson
Frumsýning á Stóra sviðinu 20. október.
↧
↧
Íslensk tónlist fyrir tvær fiðlur
Íslensk tónlist fyrir tvær fiðlur - Myrkir músíkdagar 2012
27. janúar 2012 - Kaldalón
Íslensk verk fyrir tvær fiðlurDuo Landon
↧
Póker
Leikhópurinn Fullt Hús kynnir Póker eftir Patrick Marber Leikverkið er svört kómedía sem kafar í heim karlmennsku, valdatafls, pókerspilamennsku, keppnisanda, fíknar og kennir öllum að þú skalt ávallt spila með andstæðinginn en ekki spilin sjálf sama hvað er í hvað er í húfi. Þetta er bráðskemmtilegt verk sem samsvarar mjög vel því sem er að gerast í samfélaginu í dag. Leikritið hefur farið sigurförum um allt Bretland og Bandaríkin og unnið til margra verðlauna. T.d. Besta West End leikritið valið af samtökum leikskálda árið 1995 og var einnig valinn besti gamanleikurinn sama ár af Evening Standard. Leikstjóri: Valdimar Örn Flygenring Leikarar: Jón Stefán Sigurðsson , Ellert A. Ingimundarson, Þorsteinn Gunnar Bjarnason, Magnús Guðmundsson, Finnbogi Þorkell Jónsson, Ingi Hrafn Hilmarsson. Framleiðandi: Vala ÓmarsdóttirLjósahönnun: Björn Elvar SigmarssonHljóðmynd: Ásta Kristín Guðrúnardóttir Leikmynd: Svanur Þór BjarnasonTæknistjórn: Hinrik Þór SvavarssonSýningarstjóri: Ólöf Hugrún ValdimarsdóttirLagaval: Arnar Snær Davíðsson Höfundur verks: Patrick MarberÞýðandi: Jón Stefán Sigurðsson
↧
Caput, verk eftir Önnu Þorvaldsdóttur
Caput, verk eftir Önnu Þorvaldsdóttur - Myrkir músíkdagar 2012
27. janúar 2012 - Norðurljós
Verk eftir Önnu Þorvaldsdóttur
↧